Sunday , 24 June 2018
Breaking News
Home » Breaking News » एच डी कुमारास्वामिस नि दिले ठाकरे याना शपथविधीचे निमंत्रण

एच डी कुमारास्वामिस नि दिले ठाकरे याना शपथविधीचे निमंत्रण

धर्मनिरपेक्ष जनता दलाचे (जेडीएस) नेते एच. डी. कुमारस्वामी आज कर्नाटकच्या मुख्यमंत्रिपदाची शपथ घेणार आहेत. या सोहळ्यासाठी देशातील सर्व प्रादेशिक पक्षांच्या प्रमुख नेत्यांबरोबरच भाजपचा मित्रपक्ष असलेल्या शिवसेनेचे पक्षप्रमुख उद्धव ठाकरे यांनाही निमंत्रित करण्यात आलं आहे. माजी पंतप्रधान व जेडीएसचे सर्वोच्च नेते एच. डी. देवेगौडा यांनी स्वतः उद्धव यांना फोन करून निमंत्रण दिलं आहे. त्यामुळं सर्वांच्या भुवया उंचावल्या आहेत.

कुमारस्वामी यांच्या शपथसोहळ्याला देशभरातील दिग्गज नेत्यांना निमंत्रित करण्यात आलं आहे. या सोहळ्याला काँग्रेस अध्यक्ष राहुल गांधी, सोनिया गांधी यांच्यासह बसप प्रमुख मायावती, समाजवादी पक्षाचे नेते अखिलेश यादव, राष्ट्रवादी काँग्रेसचे नेते शरद पवार, तृणमूल काँग्रेसच्या नेत्या ममता बॅनर्जी, तेजस्वी यादव, द्रमुकच्या नेत्या कनिमोळी आदी नेते उपस्थित राहतील, अशी अपेक्षा आहे. कुमारस्वामी आणि जेडीएसचे नेते एच. डी. देवेगौडा हे सर्व प्रादेशिक पक्षांच्या नेत्यांना वैयक्तिकरित्या फोन करून सोहळ्याचं निमंत्रण देत आहेत. देवेगौडा यांनी शिवसेना पक्षप्रमुख उद्धव ठाकरे यांनाही फोन करून सोहळ्याला उपस्थित राहण्याची विनंती केली. यावेळी उद्धव यांनी जेडीएसचे आणि देवेगौडांचे अभिनंदन केले. मात्र, पालघर पोटनिवडणुकीत व्यग्र असल्यानं आपण या सोहळ्याला उपस्थित राहू शकत नाही, असं सांगून त्यांनी दिलगिरीही व्यक्त केली.

About Admin