पोलीस आयुक्तांसमवेत बकरी ईदची बैठक संपन्न

सदर बैठकीत उपस्थित मान्यवरांनी महत्त्वपूर्ण सूचना पोलीस आयुक्तांसमोर मांडल्या. ” समाजबांधवांनी केलेल्या सूचनांची गंभीर दखल घेऊन त्यांची सोडवणूक करण्याची स्पष्ट आश्वासन देत बकरी ईद सर्व समाज बांधवांनी आनंदाने व उत्साहाने साजरी करावी , त्यांच्या या उत्सवात आम्ही देखील सहभागी आहोत ” असा विश्वास व्यक्त करत सर्व समाज बांधवांना बकरी ईदच्या शुभेच्छा पोलीस आयुक्त अमितेश कुमार यांनी यावेळी बैठकीतुन दिल्या.

राज्य शासनाने जारी केलेल्या मार्गदर्शक सुचनांचे पालन करुनच बकरी ईद साजरी केली जाणार आहे. आमच्यासाठी हा सण अत्यंत पवित्र व आनंदाचा असल्याने यामुळे कोणालाही त्रास होणार नाही. असे मत रशिद शेख यांनी व्यक्त केले.

आज पार पडलेल्या या बैठकीमध्ये शिक्षण महर्षी डॉ. पी. ए. इनामदार यांच्यासह माजी नगरसेवक हनीफ शेख , माजी नगरसेवक रफिक शेख , माजी नगरसेवक मुक्तार शेख , वंचित बहुजन आघाडीचे अध्यक्ष मुनवर कुरेशी, पुणे सिरत कमिटीचे सिराज बागवान , जमीयत उलमा हिंदचे कारी मोहम्मद इद्रीस तसेच जमीयत उलमाचे मुफ्ती शाहिद , रिपब्लिकन युवा मोर्चाच्या सुवर्णा डंबाळे , सामाजिक व राजकीय कार्यकर्त्यांपैकी शिवसेनेचे जावेद शेख , कॉंग्रेसचे समीर शेख , आबिद सय्यद , सुफियान कुरैशी , आरिफ चौधरी, हसीनाभाभी इनामदार , इकबाल अन्सारी, हाजी फिरोज , हाजी जुबेर मेमन , अंजुम इनामदार , आमिर शेख , शाकीर शेख , सलीम पटेल , शहाबुद्दीन शेख , खिसाल जाफरी , किरण सोणवणे , प्रतिक डंबाळे , संजय कांबळे , आदी मान्यवर उपस्थित होते