5. अशाप्रकारे 650 जागांसाठी एकाच टप्प्यात बॅलेट पेपरवर मतदान घेऊन 24 तासांच्या आत त्याचा निकालही लागला. 

 

 

 

 

 

 

भारतीय वंशाचे आणि  मोठ्या भारतीय उद्योजकाचे जावई असलेले ऋषी सूनक तिथल्या कंजर्वेटिव्ह पार्टीचे म्हणजे टोरी पक्षाचे मावळते  पंतप्रधान आहेत. लेबर पार्टीच्या विरोधात शेवटपर्यंत प्रचार करताना लेबर पार्टी सत्तेत आली तर आपणास अधिकाधिक कर भरावा लागेल ही भीती त्यांनी संपूर्ण प्रचार कालावधीत ब्रिटिश मतदारांना दाखवली, परंतु त्याचा काही उपयोग झाला नाही. 

 

ऋषी सूनक यांची कन्सर्वेटिव्ह म्हणजे टोरी पार्टी सपशेल पराभूत झाली आणि लेबर पार्टीचा दणदणीत विजय झाला. 

 

आम्ही संसदीय लोकशाही संरचना पाश्चात्त्यांकडून घेतली पण पाश्चात लोकतांत्रिक वर्तन अजूनही अंगवळणी पाडून घेणे बाकी आहे. 

 

आपल्याकडे असंख्य टप्प्यात लोकसभेचे मतदान. त्यानंतर निवडणूक मतदान मोजणीला लागणारा प्रदीर्घ कालावधी. या दरम्यान एक्झिट पोलचा भांडवली बाजार उधाणाला पोहोचलेला असतो. तो शेअर बाजार खेळवण्यासाठी.