सध्या वेब जगतात असाच एक नावीन्यपूर्ण प्रयोग लेखक – निर्माता परेश त्रिवेदी आणि दिग्दर्शक संतोष गणपत कांबळे करतांना दिसत आहेत.

खरंतर निओस्टार मल्टिमीडिया निर्मित Vivid Bottle या वेब सिरीजची संकल्पना ही त्याच्या शीर्षकाप्रमाणे विविध बॉटल्स भोवती घडताना दिसते. प्रत्येक एपिसोड हा बॉटलवर आधारित आहे. एक बॉटल माणसाचे आयुष्य कसे पालटते याचे उत्तम उदाहरण म्हणजे ही वेब सिरीज. कल्पकतेने वेगवेगळ्या बॉटल्स भोवती गुंफलेले कथानक अक्षरशः प्रेक्षकांच्या काळजाचा ठाव घेतात.

काही दिवसांपूर्वी या सिरीजचा पाचवा एपिसोड “ओल्ड वाईन” वेबवर प्रचंड ट्रेण्ड होतांना दिसतोय. याचे मुख्य कारण म्हणजे परेश त्रिवेदी लिखित कथानक आणि त्याला चार चाँद लावणारे संतोष गणपत कांबळे यांचे दिग्दर्शन. वरवर पाहता खूप छोटा वाटणारा विषय छायाकार कीआन चव्हाण यांच्या अतुलनीय छायांकनाने प्रेक्षकांना कथेच्या गर्भित आशयात गुतवून ठेवतो. पाचव्या एपिसोडनंतर तर या वेब सिरीज बद्दल प्रेक्षकांचा अशा पल्लवित झाल्या आहेत यात तीळमात्र ही शंका नाही.

चुकवू नये असा हा, “ओल्ड वाईन” एपिसोड आपण पहिला नसेल तर आजच MX PLAYER, TATA PLAY आणि HANGAMA या अग्रेसर OTT चॅनलवर एकाच वेळी प्रदर्शित झालेला एपिसोड पाहून या प्रयोगशील कलाकृतीला बळकटी देणं हे सुजाण प्रेक्षकांचे आद्य कर्तव्य आहे..!