कंत्राटी कामगारांचे प्रश्न, महाराष्ट्र श्रमिक सभेतर्फे रविवारी मेळावा

मुंबई, दि.५ : महाराष्ट्र श्रमिक सभा या कामगार संघटनेच्या वतीने, रविवार ६ आॅक्टोबर रोजी सायंकाळी ५.३० वाजता मुंबई मराठी ग्रंथ संग्रहालयाच्या गावस्कर सभागृहात कंत्राटी कामगारांचे प्रश्न आणि राजकीय पक्षांची भूमिका या विषयाच्या अनुषंगाने कामगार मेळावा आयोजित करण्यात आला आहे. ज्येष्ठ कामगार नेते सूर्यकांत बागल तसेच काँग्रेस पक्षातर्फे हुसेन दलवाई, राष्ट्रवादी काँग्रेसतर्फे विद्या चव्हाण, जनता दलातर्फे प्रभाकर नारकर, शेतकरी कामगार पक्षातर्फे अॅड. राजेंद्र कोरडे, समाजवादी पक्षाचे राहुल गायकवाड आदी आपापल्या पक्षाची भूमिका मांडणार आहेत, असे महाराष्ट्र श्रमिक सभेचे सरचिटणीस केतन कदम यांनी सांगितले.