हॉस्पिटलच्या साफसफाई ठेक्यावरून धुसफूस; भुसावळ दुहेरी हत्याकांड

भुसावळ  माजी नगरसेवक आणि त्यांच्या मित्राच्या हत्येनं भुसावळ शहर हादरलं आहे. यातच या हत्येला एका हॉस्पिटलमधील साफसफाईच्या ठेका कारण ठरल्याची माहिती समोर आली आहे.

दुहेरी हत्याकांडाने जळगाव शहर पोलिसांची चांगलीच झोप उडाली होती. हत्याकांड प्रकरणी अटकेत असलेल्या तीन आरोपींपैकी नाशिक येथील मुख्य सूत्रधार करण पथरोड याच्याकडून दोन गावठी पिस्तूल आणि पाच जीवंत काडतूस जप्त करण्यात आले आहेत. तर इतर दोन आरोपी शिव पथरोड आणि संतोष बारसे यांच्यात एका हॉस्पिटलच्या साफसफाईच्या ठेक्यावरून धुसफूस होती अशी धक्कादायक माहिती आता समोर आली आहे.

हत्या प्रकरणातील एक संशयित आरोपी शिव पथरोड याच्याकडे एका हॉस्पिटल मधील साफसफाईचा ठेका होता. पथरोडकडे असलेला हा ठेका संतोष बारसे याने आपल्या जवळच्या मित्राला मिळवून दिला. यामुळे शिव यांचा बरसेंवर राग होता. या रागातूनच संतोष बारसेंचा खून झाल्याचे स्पष्ट झाले आहे.

११ आरोपींमधील राजू सूर्यवंशी व विनोद चावरीया या दोन आरोपींना गुरुवारी दुपारी साक्री येथून तर मुख्य सूत्रधारास नाशिक येथून अटक करण्यात आली होती. मुख्य सूत्रधार करण पथरोड याने आता आपल्या गुन्ह्याची कबुली दिली आहे.