गजनी

एक नाही, भाजपात,
सारेच गजनी झालेत,
त्यांनीच दिलेली वचनें,
तेच आज विसरलेत…१

कवडी ना आली हाती,
पंधरा लाखातली,
देशाची बॅंक मात्र,
त्यांनी स्विस बॅंक केली….२

दोन कोटी रोजगाराचे,
होते युवकांस वचन,
रोजगार देणे सोडाच,
बेरोजगारीने स्पर्शीले गगन….३

ना खाऊँगा, ना खाने दूँगा,
होते वचन भारी,
सोळा लाख कोटी देशधन,
लूटले खानाऱ्यांवरी…४

भ्रष्टाचाराचा करील अंत,
होते असेही एक वचन,
मोडून कंबर लोकशाहीची,
करती आरोपींचे जतन…५

मोदी गॅरंटी, नवा गजनी डाव,
जाणती सारे रंक नि राव,
एकच गर्जना चोहीकडे राव,
गजनी हटाव – देश बचाव…६

– प्रकाश डबरासे