धुळे –जिल्हा परिषद धुळे येथील पशुसंवर्धन विभागाच्या वतीने जिल्हा उपायुक्त पशुसंवर्धन व दुग्धव्यवसाय, धुळे यांच्या कार्यालयात पंचायत समिती साक्री येथील सहाय्यक पशुधन विकास अधिकारी तथा कवी डॉ दिलीप लोखंडे यांचा सेवानिवृत्ती निमित्त डॉ.गिरीश पाटील जिल्हा उपायुक्त पशुसंवर्धन व दुग्धव्यवसाय यांच्या हस्ते सन्मान करण्यात आला.यावेळी पशु चिकित्सा व्यवसायी संघटनेचे मार्गदर्शक डॉ संजय पाटील यांनी प्रास्ताविकात डॉ दिलीप लोखंडे यांच्या सेवा कार्यातील कामाचा गौरवपूर्ण उल्लेख केला, तसेच साहित्य क्षेत्रातील, सामाजिक क्षेत्रातील कामाविषयी उपस्थित अधिकारी, कर्मचारी यांना माहिती दिली.पशुचिकित्सा व्यवसायी संघटनेचे जिल्हाध्यक्ष डॉ.हंसराज देवरे, सरचिटणीस डॉ.रमण गावित, कार्याध्यक्ष डॉ.नरहर पाटील, जिल्हा उपाध्यक्ष डॉ.शामराव कवडे, पदाधिकारी डॉ.सोहनलाल राठोड, डॉ.दीपक राजपूत, साक्री तालुका अध्यक्ष डॉ.शरद नांद्रे, डॉ.शेख धुळे, डॉ.किरण राठोड, डॉ.मंगेश सोनवणे शिरपूर, डॉ.ईश्वर देसले आदि उपस्थित होते.

शेवटी डॉ.रमण गावित यांनी सर्वांचे आभार मानले.