विविध क्षेत्रात कार्यरत असणाऱ्या महिलांचा गुणगौरव सोहळा व घरकाम करणाऱ्या महिला कामगारांसाठी मार्गदर्शन शिबिराचे आयोजन

यावेळी प्रमुख पाहुण्या वेलनेस कोचच्या छाया परमार, उद्योजिका अर्चना सागरे, समाजसेविका सारिका सकपाळ, रणरागिणी ट्रस्टच्या अध्यक्षा स्नेहा अहिरे उपस्थित होत्या. त्यांनी महिलांना मार्गदर्शन करून शुभेच्छा दिल्या. घरेलू कामगारांची कामगार म्हणून नोंदणी व्हावी, घरेलू कामगार महामंडळाची वेगळी स्थापना व्हावी, साठ वर्षावरील घरेलू कामगारांना मासिक पेन्शन मिळावी अशा अनेक मुद्द्यावर प्रगतशील कोकण सामाजिक संस्थेचे अध्यक्ष तसेच महाराष्ट्र श्रमिक सभेचे संस्थापक, सरचिटणीस केतन कदम यांनी मार्गदर्शन केले. विविध क्षेत्रात उल्लेखनीय कामगिरी करणाऱ्या महिलांमध्ये डॉक्टर, नर्सेस, आशा सेविका, समाजसेविका, अंगणवाडी सेवीका, उद्योजिका अशा अनेक महिलांचा सन्मानपत्र देवून गुणगौरव करण्यात आला. डॉक्टर सीमा नेवरेकर यांनी महिलांच्या आरोग्य विषयक मार्गदर्शन करून शुभेच्छा दिल्या. सदर कार्यक्रमास प्रगतशील कोंकण सामाजिक संस्थेचे सचिव योगेश कांबळे, अंगणवाडी शिक्षिका पौर्णिमा बनसोडे, सावली सहयोग संस्थेचे अध्यक्ष राजेश घोलप, सचिव विशाल ताम्हणकर, तसेच मान्यवर, कार्यकर्ते, सभासद, शुभेच्छुक, हितचिंतक, महिलावर्ग मोठ्या संख्येने उपस्थित होते. या कार्यक्रमाचे सूत्रसंचालन प्रगतशील कोंकण सामाजिक संस्थेचे खजिनदार उमेश मोहिते यांनी केले.