निवडणूक निकालानंतर सरकार स्थापनेच्या अगोदरच अबू आसिम आजमी यांनी अजित पवारांची भेट घेतल्याने राजकीय चर्चेना उधाण आले होते. उलट सुलट चर्चा ही सुरु होत्या. मात्र नशेचा धंद्यात नवाब मलिक यांच्या जावयाचे नाव असून त्या प्रकरणी गुन्हा ही दाखल करण्यात आला आहे. असे असताना राष्ट्रवादी काँग्रेस अजित पवार गटाचे उमेदवार नवाब मलिक खोटा प्रचार करीत होते. या प्रकरणात आपण स्वतः सरकार म्हणून लक्ष घालून संबंधितांवर कारवाई करा, अशी मागणी करून आजमी यांनी नवाब मलिक व अजित पवार या दोघांच्या ही अडचणीत भर घातली आहे.

         समाजवादी पार्टी व अबू आसिम आजमी यांच्या विरोधात बोलण्यासाठी कुठलाच मुद्दा नसल्याने नवाब मलिक यांनी अगदी निवडणूक जाहीर झाल्यापासून काही तथाकथित एनजीओना हाताशी धरून येथील प्रचारात नशेचा मुद्दा प्रमुख मुद्दा बनविला. गोदी मिडियाने ही हा मुद्दा उचलून धरला. मुंबई शहरात सर्वत्र नशेचा कारोभार सुरु असून फक्त मानखुर्द – शिवाजीनगर – गोवंडीलाच का बदनाम करण्यात येत आहे? यामुळे अबू आजमी पूर्ण निवडणुकीत व्यथित होते. त्यामुळेच निवडणूक संपून निकाल जाहीर होताच त्यांनी नवाब मलिक यांच्या पक्षाचे राष्ट्रीय अध्यक्ष व संभाव्य सरकारमधील एक प्रमुख अजित पवार यांची भेट घेवून आपली व्यथा मांडली.

       नशेचा कारोभार फक्त गोवंडीमध्येच नाहीतर अनुशक्तीनगर अन एकूणच मुंबईभर सुरु आहे. या प्रकरणी विधिमंडळात अनेक वेळा आवाज उठविला आहे. रस्त्यावर येवून संघर्ष, आंदोलन केले आहे. पण पोलिस संरक्षण असल्याने हा धंद्या जोरात सुरु आहे, हे ही यावेळी झालेल्या चर्चेत अबू आसिम आजमी यांनी अजित पवार यांना सांगितले आहे. आता पाहू या सरकारचा एक प्रमुख प्रतिनिधी म्हणून अजित पवार या प्रकरणी काय भुमिका घेतात ते.